BILALEIGU STÓRBORGIR AUSTURSTRANDARINNAR

Flogið er í beinu flugi Icelandair og lent á JFK flugvelli. Tekin er lest eða leigubíll á hótelið sem staðsett er í miðri Manhattan.

Á þessum fyrsta degi í stóra eplinu eins og New York er oft kölluð, er gaman að rölta um og njóta borgarinnar. Hægt er að fara í gönguferð um Central Park, fara á söfn, skoða á Manhattan þyrluferð, versla á Times Square eða bara skoða hið fjölbreytta mannlíf borgarinnar og borða góðan mat. Munið eftir að taka nóg af myndum!

Gott er að taka daginn snemma því fram undan er lengsta keyrsla ferðarinnar. Þið náið í bílaleigubílinn á bílaleigu sem er staðsett stutt frá hótelinu og keyrið svo yfir New York fylki í norðaustur í gegnum Finger Lakes Country í átt að landamærum Kanada. Gaman er að stoppa í vínsmökkun á Watkins Glen sem liggur við strendur Seneca-vatns, sem nefnd eftir Seneka indíánaþjóðinni. Keyrt er svo áfram til Buffalo þar sem gist er um nóttina. Akstursvegalengd: 613 KM

Dagurinn byrjar á því að fara í stuttan akstur til til hinna stórkostlegu Niagara fossa. Til að sjá og finna þennan ógnarkraft sem er í fossunum í návígi er hægt er að fara í siglingu við fossana í „Maid of the Mist“ eða farið yfir landamærin til Kanada og rölta meðfram Table Rock til að skoða kraftinn í vatninu við Horseshoe Falls. Gaman er að fara í hádegismat í Skylon Tower sem snýst eins og Perlan gerði á sínum tíma. Skylon Tower er um 240 metrum fyrir ofan Niagara gilið og þar er útsýnispallur þar sem hægt er að sjá yfir 13.000 KM svæði eða eins langt sem augað eigir. Keyrt er svo aftur til Buffalo og gist á sama stað og nóttina áður. Akstursvegalengd: 64 KM

Keyrt er frá Buffalo og farið um land sem kallast Amish Country. Segja má að hinn hægláti gamaldags lífsstíll Amish fólksins fyllir svæðið náttúrulegri fegurð. Akstursvegalengd: 241 KM

Í dag er ekið um Appalachian fjöll meðfram hinni ánni fögru Susquehanna sem er lengsta á austurstrandar Bandaríkjanna. Við komum svo til hinnar sögufrægu Gettysburg þar sem stærsti bardagi Suðurríkjastríðsins 1863 átti sér stað. En sá bardagi er stærsti bardagi þar sem barist hefur verið á Bandarískri grundu. Þar flutti Abraham Lincoln forseti frægt ávarp sitt árið 1863. Við höldum svo áleiðis til höfuðborgarinnar Washington, D.C., þar sem þið getið notið kvöldsins í mat og drykk. Akstursvegalengd: 431 KM

Um morguninn er gaman að fara í skoðunarferð um helstu kennileiti Washington borgar. Þar er mikið að sjá og gaman að skoða m.a. Washington minnisvarðann, "Lincoln minnismerkið, Hvíta húsið og Arlington Þjóðkirkjugarðinn þar sem um 400 þúsund manns, sem dóu í Bandaríska borgarastríðinu, eru grafnir. Borgararstríðið stóð frá 1861 til 1865 og er oft kallað þrælastríðið. Einnig er þar að finna minnismerku um John F. Kennedy forseta. Hægt er að nýta það sem eftir lifir dags í einu af 11 Smithsonian söfnunum sem staðsett eru á National Mall í Washington DC. Einnig er gaman að rölta um bakka Potomac árinnar.

Við höldum leið okkar áfram og kveðjum hina sögufrægu Washington borg og keyrum sem leið liggur norður til Fíladelfíu sem hefur verið nefnd „City of Brotherly Love“. Í Fíladelfíu, sem oft er kölluð fæðingarstaður Ameríku, var yfirlýsingin um Sjálfstæði Bandaríkjanna samþykkt þann 4. júlí 1776. Í Fíladelfíu er gaman að skoða t.d. Independence Hall og Liberty Bell sem og önnur kennileiti borgarinnar. Akstursvegalengd: 223 KM

Í dag er ekið aftur til New York borgar og farið beint á JFK flugvöllinn þar sem bílaleigubílnum er skilað. Flogið er svo með Icelandair beint til Keflavíkur þar sem lent er snemma morguninn eftir. Akstursvegalengd: 154 KM