HÁPUNKTAR VESTURSTRANDARINNAR

Flogið er frá Keflavík í beinu flugi til Seattle með Icelandair og lent í Seattle um 17:40 að staðartíma. Náð er í bílaleigubíllinn á flugvellinum og ekið að hótelinu.

Ekið er sem leið liggur til suðurs og fyrsta stopp er Mt. Rainier þjóðgarðurinn sem er einn sá fallegasti á norðurhluta vesturstrandarinnar. Þegar búið er að skoða þjóðgarðinn er ekið yfir Columbia ána og stoppað á St. Helensfjalli sem enn er virkt eldfjall. Þar má sjá þá eyðilegging sem átti sér stað við gos sem varð á árinu 1980. Keyrt er svo áfram til Portland um kvöldið. Akstursvegalengd: 430 KM

Í dag er keyrt niður hina mögnuðu strandlengju Oregon þar sem víðáttumikið útsýni og fallegar myndir blasa við ferðalöngum. Friðsæll akstur um síbreytilegt landslagið í gegnum litla bæi sem endurspegla Bandarískt samfelag á þessum slóðum. Akstursvegalengd: 560 KM

Dagurinn byrjar á því að ekið framhjá fornum rússneskum fiskveiðibyggðum sem staðsettar voru á þessum slóðum fyrr á árum. Meðfram veginum eru m.a. risastórir rauðviðir sem eru verndaðir af ríkinu og á þjóðmynjaskrá. Akstursvegalengd: 380 KM

Ekið er áfram meðfram strandlengju Kaliforníu suður að bænum Mendocino. Bærinn hefur sögulegt gildi og er umlukinn fallegri strandlengju sem gaman er að koma við á áður en haldið er áfram suður til San Fransisco. Vonandi gefst tími til að upplifa þessa mögnuðu borg um kvöldið. Akstursvegalengd: 280 KM

San Fransisco er frábær borg að heimsækja og þar er margt að sjá. Þið ættuð því að geta notið yndislegs dags í skoðunarferð um borgina. Gaman er að koma til staða eins og Union Square, Golden Gate brúna frægu og Fisherman's Wharf þar eru fjöldi veitingastaða og skemmtilegt mannlíf á kvöldin innan um sæljónin sem halda þar til í höfninni. Einnig er mjög gaman að taka bátsferð undir Golden Gate brúna og koma við í Alcatraz-eyjuna alræmdu.

Í dag er ekið niður til Monterey sem liggur við strönd Kaliforníu. Gaman er að rölta meðfram Fisherman's Wharf við höfnina á Monterey og einnig að labba um Cannery Row götuna þar sem vinsælustu og flottustu hótel á allri strönd Kaliforníu. Keyrt er svo áfram 17-Mile Drive á leiðinni bæjarins Carmel þar sem Clint Eastwood var bæjarstjóri í nokkur ár. Akstursvegalengd: 200 KM

Ekið er suður Pacific Coast þjóðveginum eftir Big Sur skaganum. Á leiðinni er hægt að njóta útsýnisins yfir Kyrrahafið sem hamast við klettana og steinana fyrir neðan. Ef tími er til er gaman að heimsækja Hearst kastala og læra um heillandi sögu þess sem nær 100 ár aftur í tímann. Gist er á hóteli á miðri strönd Kaliforníu. Akstursvegalengd: 390 KM

Áfram er ekið suður í dag og farið í gegnum Santa Barbara sem liggur við ströndina. Á leiðinni til Los Angeles komum við einnig við á Malibu og Santa Monica sem einnig eru einnig frægir standbæir á þessari frábæru vesturströnd Bandaríkjanna. Gist er í Los Angeles. Akstursvegalengd: 376 KM

Í dag hvílum við okkur á akstrinum og skoðum þessa frægu borg englanna. Gaman er að skoða Hollywood og Beverly Hills. Það eru mörg söfn í LA sem gaman er að skoða og hálfgerð skylda er að labba Hollywood Walk of Fame þar sem fræga fólkið á sína stjörnu á gangstéttinni. Einnig er gaman að fara á bak við tjöldin í Universal Studios í Hollywood.

Eftir ævintýralega ferð um vesturströnd Bandaríkjanna er komið að heimför. Bílaleigubílnum er skilað á flugvellinum LAX í Los Angeles og flogið heim á samfelldum miða með Icelandair með millilendingu í Seattle. Þið getið slakað á á flugvellinum í Seattle og þurfið ekki að taka töskurnar og tékka ykkur aftur inn því þær fara áfram til Keflavíkur. Lending í Keflavík er áætluð um 6:00 morguninn eftir.