STÓRBORGIR AUSTURSTRANDARINNAR

Brottför

New York

Heimkoma

New York

Vikuferð með frábærri leiðsögn þar sem farið er um stórborgirnar New York og Washington og helstu staðir og kennileiti skoðuð.

Einnig er gist við hina stórfenglegu Niagara fossa sem liggja á landamærum USA og Kanada ásamt því að kynnast því hvernig Amish fólkið býr og lifir.

Ef þið eruð ein á ferð eða fleiri en tvö þá endilega hafið samband við okkur og við aðlögum verðið að því.

Innifalið

+ Beint flug með Icelandair til og frá New York

+ Gisting í tveggja manna herbergi á sérvöldum góðum hótelum

+ Morgunmatur innifalinn á þremur hótelum

+ Þrautreyndur enskumælandi fararstjóri

+ Fararstjórinn raðar fólki í sæti á hverjum degi þannig fáið þið mismunandi sjónarhorn á því sem fyrir augum ber. Einnig er fremsta sætaröðin laus til myndatöku fyrir hvern sem er.

+ Lúxus rúta með góðu sætabili, hallandi sætum, klósetti og wifi

+ Flutningur á töskum til og frá hótelherbergjum

+ Skoðunarferðir og aðgangaseyrir á helstu stöðum leiðarinnar

+ Valkvæðar sérferðir í boði gegn gjaldi

Ferðaskipulag

Dagur 1

NEW YORK -> KOMA

Flogið til JFK flugvallarins með Icelandair. Fararstjórinn hittið þið í móttöku hótelsins. Gist á Dylan Hotel 4* sem er á 41 stræti í miðri New York borg.

Dagur 2

NEW YORK -> Rútuferð um borgina.

Dagurinn byrjar á því að farið er í rútuferð um New York þar semstoppað er á nokkrum af frægustu stöðum Manhattan. Seinnipart dagsins er frjáls tími sem hægt er að nota á margan hátt t.d. að ganga um Central Park, fara í þyrlu um Manhattan eða skoða bara mannlífið á Times Square og Broadway. Gist á Dylan Hotel 4* sem er á 41 stræti í miðri New York borg.

Dagur 3

NEW YORK CITY - FINGER LAKES - NIAGARA FALLS

Við yfirgefum borgina sem aldrei sefur og förum sem leið liggur um norðurhluta New York um Lake Seneca þar sem farið er í vínsmökkun. Ekið er svo áfram í vestur þar til komið er til hins rómantíska og mikilfenglegu Niagara fossa þar sem gist er. Gist er á Best Western Niagara Riverside Resort hótel.

Dagur 4

NIAGARA FALLS - PENNSYLVANIA DUTCH COUNTRY

Um morguninn gefst tími til að skoða hina stórfenglegu Niagara fossa í návígi. Hægt er að fara í bátsferð undir fossana og fara í hádegisverði á Skyulon Tower sem státar af frábæru útsýni yfir fossana. Einnig er hægt að rölta meðfram Table Rock til að virða fyrir sér vatnsflauminn af Horseshoe Falls. Eftir hádegismat er keyrt frá Niagara og inn í Pennsylvania "Hollenska landið", sem einnig er þekkt sem "Amish Country" þar sem gist er. Gist er á Best Western Genetti hótelinu.

Dagur 5

PENNSYLVANIA DUTCH COUNTRY - GETTYSBURG - WASHINGTON, D.C.

Í dag er ekið um Appalachian fjöll meðfram hinni fögru Susquehanna á sem er lengsta á austurstrandar Bandaríkjanna. Við komum svo til hinnar sögufrægu Gettysburg þar sem stærsti bardagi Suðurríkjastríðsins 1863 átti sér stað. En sá bardagi er enn í dag stærsti bardagi þar sem barist hefur verið á amerískri grundu. Þar flutti Abraham Lincoln forseti frægt ávarp sitt árið 1863. Við höldum svo áleiðis til höfuðborgarinnar Washington, D.C., þar sem þið getið notið kvöldsins í mat og drykk. Gist er á Omni Shoreham hótelinu í Washington DC.

Dagur 6

WASHINGTON, D.C.

Um morguninn förum við í skoðunarferð um helstu kennileiti Washington borgar. Þar er mikið að sjá í Washington, nóg af söfnum og merkilegum minnisvörðum. Washington hefur frá upphafi verið mitt í hringiðu stjórnmála- og menningarlífs Bandaríkjanna. Minnisvarðinn um Abraham Lincoln er skoðaður auk þess sem keyrt er framhjá Hvíta húsið og Arlington Þjóðkirkjugarðinn þar sem um 400 þúsund manns sem dóu í bandaríska borgarastríðinu sem oft er kallað þrælastríðið sem var 1861-1865, eru grafnir. Einnig er þar að finna minnismerku um John F. Kennedy forseta. Hægt er að nýta það sem eftir lifir dags í einu af Smithsonian söfnunum eða rölta um bakka Potomac-árinnar. Gist er á Omni Shoreham hótelinu.

Dagur 7

WASHINGTON, D.C. - PHILADELPHIA

Hin sögufrægu Washington borg er kvödd og keyrt sem leið liggur norður til Fíladeflíu sem oft er nefnd „City of Brotherly Love“. Filadelfía er oft kölluð fæðingarstaður Ameríku enda var það þar sem yfirlýsingin um Sjálfstæði Bandaríkjanna var samþykkt 4. júlí 1776. Í Fíladefíu er m.a. Independence Hall og Liberty Bell skoðað í yfirgripsmikilli borgarferð. Gist er á Sheraton Philadelphia Downtown hótelinu.

Dagur 8

PHILADELPHIA - NEW YORK CITY - HEIMFERÐ

Eftir erilsama og yfirgripsmikla skoðunarferð um hápunkta austurstrandar Bandaríkjanna er hringnum lokað og keyrt aftur til New York. Rútan keyrir ykkur beint til JFK flugvallar þaðan sem flogið er heim til Íslands með Icelandair kl. 20:25 að staðartíma og lent í Keflavík morguninn eftir um kl. 6:25 að Íslenskum tíma.

Brottfarir

25 May 2024

1 June 2024

Bóka!

24 August 2024

31 August 2024

Bóka!